Friday, March 29, 2024
HomeMalayalamFilm Newsതാരനിബിഡമായി ഡിയർ വാപ്പി ഓഡിയോ ലോഞ്ച് കൊച്ചിയിൽ നടന്നു

താരനിബിഡമായി ഡിയർ വാപ്പി ഓഡിയോ ലോഞ്ച് കൊച്ചിയിൽ നടന്നു

ലാൽ നായകനായി എത്തുന്ന ഡിയര്‍ വാപ്പിയുടെ ഓഡിയോ ലോഞ്ച് ഇന്നലെ കൊച്ചിയിലെ ഹോളിഡേ ഇന്നിൽ വെച്ച് നടന്നു. ലാലും തിങ്കളാഴ്ച നിശ്ചയം ഫെയിം അനഘ നാരായണന്‍, നിരഞ്ജ് മണിയന്‍പിള്ള രാജു എന്നിവര്‍ പ്രധാനവേഷത്തില്‍ എത്തുന്ന ചിത്രം ക്രൗണ്‍ ഫിലിംസിന്റെ ബാനറില്‍ ഷാന്‍ തുളസീധരനാണ് രചനയും സംവിധാനവും നിര്‍വഹിക്കുന്നത്. ക്രൗൺ ഫിലിംസിൻ്റെ ബാനറിൽ ആർ മുത്തയ്യ മുരളിയാണ് ചിത്രം നിർമ്മിച്ചിരിക്കുന്നത്. ക്രൗൺ ഫിലിംസിൻ്റെ ലോഗോ പ്രകാശനം ചെയ്തതിന് പിന്നാലെ ചിത്രത്തിൻ്റെ ടീസറും ചടങ്ങിൽ പ്രേക്ഷകർക്കായി സമ്മാനിച്ചു. ആൽമരം ബാൻഡിൻ്റെ പ്രകടനവും ചടങ്ങ് കെങ്കേമമാക്കി.

പ്രശസ്ത താരങ്ങളുടെ സാന്നിദ്ധ്യത്താൽ ചടങ്ങ് വർണ്ണാഭമായി തീർന്നു. ലാൽ, മണിയൻപിള്ള രാജു, ബി ഉണ്ണികൃഷ്ണൻ, ജി സുരേഷ് കുമാർ, കുഞ്ചൻ, ജഗദീഷ്, സാന്ദ്ര തോമസ്, ബി രാകേഷ്, രഞ്ജിത്ത് രജപുത്ര, സംവിധായകൻ സേതു, കൈലാസ് മേനോൻ, നിരജ്, അനഘ, ഗുരു സോമസുന്ദരം, നിത്യ മാമൻ, സന മൊയ്തൂട്ടി തുടങ്ങിയവർ ചടങ്ങിൽ പങ്കെടുത്തു. ഒരു തുന്നല്‍ക്കാരനായിട്ടാണ് ലാല്‍ ചിത്രത്തില്‍ എത്തുന്നത്. മണിയന്‍ പിള്ള രാജു, ജഗദീഷ്,അനു സിതാര, നിര്‍മല്‍ പാലാഴി, സുനില്‍ സുഖധ, ശിവജി ഗുരുവായൂര്‍, രഞ്ജിത് ശേഖര്‍, അഭിറാം, നീന കുറുപ്പ്, ബാലന്‍ പാറക്കല്‍, മുഹമ്മദ്, ജയകൃഷ്ണന്‍, രശ്മി ബോബന്‍ രാകേഷ്, മധു, ശ്രീരേഖ (വെയില്‍ ഫെയിം), ശശി എരഞ്ഞിക്കല്‍ എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

ഒരുപാട് ആഗ്രഹങ്ങളുള്ള ടൈലര്‍ ബഷീറിന്റെയും മോഡലായ മകള്‍ ആമിറയുടെയും ജീവിതയാത്രയാണ് ഡിയര്‍ വാപ്പി. തലശ്ശേരി, മാഹി, മൈസൂര്‍, മുംബൈ എന്നിവിടങ്ങളിലായിട്ടാണ് ഡിയര്‍ വാപ്പി ചിത്രീകരിച്ചിരിക്കുന്നത്. കൈലാസ് മേനോന്‍ സംഗീതം നിര്‍വ്വഹിക്കുന്ന ചിത്രത്തില്‍ വരികള്‍ എഴുതിയിരിക്കുന്നത് ബി കെ ഹരിനാരായണന്‍, മനു മഞ്ജിത്ത് എന്നിവരാണ്. പാണ്ടികുമാര്‍ ഛായാഗ്രഹണവും, പ്രവീണ്‍ വര്‍മ്മ വസ്ത്രാലങ്കാരവും നിര്‍വഹിക്കുന്നു.

ലിജോ പോള്‍ ചിത്രസംയോജനവും, എം ആര്‍ രാജാകൃഷ്ണന്‍ ശബ്ദ മിശ്രണവും നിര്‍വഹിക്കുന്നു. കലാസംവിധാനം അജയ് മങ്ങാട് ചമയം റഷീദ് അഹമ്മദ് എന്നിവരാണ്. പ്രൊഡക്ഷന്‍ കണ്‍ട്രോളര്‍ – ജാവേദ് ചെമ്പ്, പ്രൊഡക്ഷന്‍ എക്സിക്യൂട്ടീവ് – രാധാകൃഷ്ണന്‍ ചേലേരി, പ്രൊഡക്ഷന്‍ മാനേജര്‍ – നജീര്‍ നാസിം, സ്റ്റില്‍സ് – രാഹുല്‍ രാജ്, ചീഫ് അസോസിയേറ്റ് ഡയറക്ടര്‍ – എല്‍സണ്‍ എല്‍ദോസ്, അസോസിയേറ്റ് ഡയറക്ടര്‍ – സക്കീര്‍ ഹുസൈന്‍, മനീഷ് കെ തോപ്പില്‍, ഡുഡു ദേവസ്സി അസിസ്റ്റന്റ് ഡയറക്ടേഴ്‌സ് – അമീര്‍ അഷ്‌റഫ്, സുഖില്‍ സാന്‍, ശിവ രുദ്രന, ഡിജിറ്റൽ മാർക്കറ്റിംഗ് – അനൂപ് സുന്ദരൻ, പി.ആര്‍.ഒ – ആതിര ദില്‍ജിത്ത്.

RELATED ARTICLES
- Advertisment -

Most Popular

Recent Comments