നോർക്ക റൂട്സ് ഉപാധ്യക്ഷനും മുൻ സ്പീക്കറുമായ പി.ശ്രീരാമകൃഷ്ണന്റെ മകൾ നിരഞ്ജനയുടെ വിവാഹം തവനൂർ വൃദ്ധ സദനത്തിൽ വച്ച് ആഘോഷങ്ങൾ ഒന്നും ഇല്ലാതെ നടന്നു. തിരുവനന്തപുരം പി.ടി.നഗറിൽ വൈറ്റ് പേളിൽ ശിവ കുമാറിന്റെയും ചിത്രലേഖയുടെയും മകൻ സംഗീതാണ് വിവാഹം ചെയ്യുന്നത്. ചിത്രങ്ങളും വീഡിയോകളും ഒക്കെ സോഷ്യൽ മീഡിയയിലൂടെ ഇപ്പോൾ പുറത്തു വന്നിരിക്കുകയാണ്.
ചടങ്ങിൽ ഏറ്റവുമടുത്ത ബന്ധുക്കളും ക്ഷണിക്കപ്പെട്ട വരെ മാത്രമാണ് പങ്കെടുപ്പിച്ചത്. ആഡംബരങ്ങൾ ഒന്നുമില്ലാതെ വളരെ മാതൃകാപരമായി നടത്തിയ വിവാഹത്തിന് നിരവധി പേരാണ് കൈയ്യടികളുമായി രംഗത്തെത്തിയത്. മകൾ നിരഞ്ജനയുടെ പ്രത്യേക താൽപര്യ പ്രകാരമാണ് വൃദ്ധ സദനത്തിൽ വച്ച് വിവാഹം നടത്തുന്നതെന്നാണ് പുറത്തു വരുന്ന ഏറ്റവും പുതിയ റിപ്പോർട്ട്. തവനൂരിലെ വൃദ്ധസദനത്തിലെ സ്ഥിരം സന്ദർശകരാണ് ശ്രീരാമകൃഷ്ണനും കുടുംബവും .അതുകൊണ്ടു തന്നെയാണ് മകളുടെ വിവാഹം അവിടെ വച്ച് നടത്താൻ തീരുമാനിച്ചത്,
പ്രമുഖർ അടക്കം നിരവധി പേരാണ് വിവാഹത്തിന് വധൂവരന്മാർക്ക് ആശംസകളുമായി രംഗത്തെത്തിയത്.
വിവാഹത്തിൻറെ വീഡിയോയ്ക്ക് താഴെ നിരവധിപേരാണ് ഈ മാതൃക വിവാഹത്തിന് കയ്യടികൾ നൽകിയത്, ആഡംബരങ്ങൾ ഒന്നും ഇല്ലാതെ ഇങ്ങനെ വിവാഹം നടത്തുന്നത് എല്ലാവരും കണ്ടുപഠിക്കണം എന്ന് ചിലർ കമൻറുകൾ നൽകുന്നുണ്ട്.
Recent Comments