ആറാട്ട് എന്ന ഹിറ്റ് ചിത്രത്തിന് ശേഷം ഹിപ്പോ പ്രൈം നെറ്റ്‌വർക്ക് & മീഡിയ സ്കൂളിന്റെ ബാനറിൽ നവാഗതനായ സെന്തിൽ സംവിധാനം ചെയ്യുന്ന ചിത്രത്തിന്റെ ആക്ടിങ് വർക്ക് ഷോപ് ക്രൗൺ പ്ലാസയിൽ പുരോഗമിക്കുന്നു.

ഹിപ്പോ പ്രൈം നെറ്റ്‌വർക്ക് & മീഡിയ സ്കൂൾ നിർമിക്കുന്ന ഏറ്റവും പുതിയ ചിത്രം അണിയറയിൽ ഒരുങ്ങുന്നു. പൂർണമായും പുതുമുഖങ്ങളെ അണിനിരത്തികൊണ്ട് നിർമിക്കുന്ന ചിത്രം എറണാകുളത്തും പരിസര പ്രദേശങ്ങളുമായി ജൂണിൽ ചിത്രീകരണം ആരംഭിക്കും

ആക്ടിങ് വർക്ക് ഷോപ്പിൽ പങ്കെടുത്ത എല്ലാവർക്കും സിനിമയിൽ അവസരം ലഭിക്കുമെന്നു നിർമാതാവും ഹിപ്പോ പ്രൈം നെറ്റ്‌വർക്ക് & മീഡിയ സ്കൂൾ ന്റെ മാനേജിങ് ഡയറക്ടറുമായ ശ്രീ ശക്തി പ്രകാശ് ഉറപ്പു നൽകി. സ്ഥിരോത്സാഹവും കഠിനപ്രയത്നവും നിരന്തരമായ പരിശ്രമവുമുള്ളവർ ഒരു ദിവസം അവരുടെ ലക്ഷ്യത്തിലെത്തിച്ചേരുമെന്നും അദ്ദേഹം കൂട്ടി ചേർത്തു.

നിരവധി ചാനലുകളിൽ പ്രോഗ്രാം പ്രൊഡ്യൂസറും മുഖ്യധാരയിലുള്ള സംവിധായകരുടെ സഹസംവിധായകനായും പ്രവർത്തിപരിചയമുള്ള സെന്തിൽ സ്വതന്ത്രസംവിധായകനാകുന്ന സിനിമകൂടിയാണിത്. സഹനിർമ്മാതാവ് ബിനോയ്, എക്സിക്യൂട്ടീവ് ഡയറക്ടർ ബിനീഷ് മഠത്തിൽ എന്നിവർ സന്നിഹിതരായിരുന്നു. പ്രശസ്തയായ അഭിനേത്രി ആശ ദേവിയുടെ നേതൃത്വത്തിലായിരുന്ന അഭിനയകളരി വളരെ മികച്ചൊരു അനുഭവമാണെന്ന് അഭിനയ വിദ്യാർത്ഥികൾ അഭിപ്രായപ്പെട്ടു.