Thursday, September 29, 2022

‘കാലം പാഞ്ഞപ്പോള്‍ ലോകം കൂടെ പാഞ്ഞേ’; വിചിത്രം സിനിമയിലെ ഗാനം പുറത്തിറങ്ങി

- Advertisement -

ഷൈന്‍ ടോം ചാക്കോ, ബാലു വര്‍ഗീസ് എന്നിവര്‍ കേന്ദ്രകഥാപാത്രങ്ങളാകുന്ന വിചിത്രം എന്ന ചിത്രത്തിലെ ഗാനം പുറത്തിറങ്ങി. അംജാദ് ഷറഫത്താണ് ഗാനം ആലപിച്ചിരിക്കുന്നത്. സ്ട്രീറ്റ് അക്കാദമിക്‌സിന്റേതാണ് ഗാനത്തിന്റെ വരികള്‍. ഗാനത്തിന് സംഗീതം പകര്‍ന്നിരിക്കുന്നതും നിര്‍മിച്ചിരിക്കുന്നതും വി3കെയാണ്.

പേരുകൊണ്ടും പോസ്റ്ററിന്റെ പ്രത്യേകതകള്‍ കൊണ്ടും ശ്രദ്ധേയമായ ചിത്രമാണ് വിചിത്രം. അച്ചു വിജയനാണ് ചിത്രം സംവിധാനം ചെയ്യുന്നത്. ജോയ് മൂവി പ്രൊഡക്ഷന്‍സിന്റെ ബാനറില്‍ ഡോക്ടര്‍ അജിത് ജോയും അച്ചു വിജയനും ചേര്‍ന്നാണ് ചിത്രം നിര്‍മ്മിക്കുന്നത്. ജാസ്മിന്റെയും മക്കളുടെയും കഥയാണ് ചിത്രം പറയുന്നത്. ലാല്‍, കനി കുസൃതി, ജോളി ചിറയത്ത്, കേതകി നാരായണ്‍ തുടങ്ങിയവരും ചിത്രത്തില്‍ അഭിനയിക്കുന്നുണ്ട്.

നിഖില്‍ രവീന്ദ്രന്‍ ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ക്യാമറ കൈകാര്യം ചെയ്യുന്നത് അര്‍ജുന്‍ ബാലകൃഷ്ണന്‍. പ്രൊഡക്ഷന്‍ കണ്‍ട്രോളര്‍-ദീപക് പരമേശ്വരന്‍, എഡിറ്റര്‍ അച്ചു വിജയന്‍, കോ ഡയറക്ടര്‍- സൂരജ് രാജ്, ക്രിയേറ്റീവ് ഡയറക്ടര്‍- ആര്‍ അരവിന്ദന്‍, പ്രൊഡക്ഷന്‍ ഡിസൈന്‍- റെയ്‌സ് ഹൈദര്‍ ആന്‍ഡ് അനസ് റഷാദ്, കോ റൈറ്റര്‍- വിനീത് ജോസ്, ആര്‍ട്ട്- സുഭാഷ് കരുണ്‍, മേക്കപ്പ്- സുരേഷ് പ്ലാച്ചിമട, കോസ്റ്റ്യൂം- ദിവ്യ ജോബി, ചീഫ് അസ്സോസിയേറ്റ് ഡയറക്ടര്‍- ഉമേഷ് രാധാകൃഷ്ണന്‍, സൗണ്ട് ഡിസൈന്‍- വിഷ്ണു ഗോവിന്ദ് ശ്രീ ശങ്കര്‍, സ്റ്റില്‍- രോഹിത് കെ സുരേഷ്, വിഎഫ്എക്സ് സൂപ്പര്‍ വൈസര്‍- ബോബി രാജന്‍, പി ആര്‍ ഒ – ആതിര ദില്‍ജിത്ത്, ഡിസൈന്‍- അനസ് റഷാദ് ആന്‍ഡ് ശ്രീകുമാര്‍ സുപ്രസന്നന്‍, ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍.

- Advertisement -
Latest news
- Advertisement -
Related news
- Advertisement -spot_img