Tuesday, February 7, 2023
HomeMalayalamFilm Newsപത്താമത് സൗത്ത് ഇന്ത്യന്‍ ഇന്‍റര്‍നാഷണല്‍ മൂവി അവാർഡ്‌സ് (SIIMA) സെപ്റ്റംബറിൽ ബെംഗളൂരുവിൽ

പത്താമത് സൗത്ത് ഇന്ത്യന്‍ ഇന്‍റര്‍നാഷണല്‍ മൂവി അവാർഡ്‌സ് (SIIMA) സെപ്റ്റംബറിൽ ബെംഗളൂരുവിൽ

ഇന്ത്യയിലെ ഏറ്റവും പ്രശസ്തമായ അവാർഡ്സുകളിലൊന്നായ സൗത്ത് ഇന്ത്യന്‍ ഇന്റര്‍നാഷ്‌നല്‍ മൂവി അവാർഡ്‌സ് (SIIMA) സെപ്റ്റംബറിൽ ബെംഗളൂരുവിൽ നടക്കും. ഈ ചടങ്ങിൽ വച്ച് ദക്ഷിണ ചലച്ചിത്ര വ്യവസായത്തിലെ കലാസാങ്കേതിക രംഗങ്ങളിൽ മികച്ച പ്രകടനങ്ങൾ കാഴ്ച വയ്ക്കുന്നവർക്ക് ഈ വർഷത്തെ പുരസ്‌കാരങ്ങൾ നൽകി ആദരിക്കും.

ഈ വർഷത്തിന്റെ ഏറ്റവും വലിയ സവിശേഷതയെന്തെന്നാൽ SIIMA അവാർഡ്‌സ്സിന്റെ പത്താം വാർഷികം കൂടിയാണ് നടക്കാൻ പോകുന്നത്. ഇന്ത്യയുടെ സിലിക്കൺ വാലി എന്നറിയപ്പെടുന്ന ബെംഗളൂരു ആണ് ഇത്തവണ SIIMA 2022 അവാർഡ്‌സ് ആതിഥേയത്വം വഹിക്കുന്നത്. സെപ്റ്റംബർ 10, 11 തീയതികളിൽ ആണ് ഇത് നടത്തപ്പെടുന്നത്. ബെംഗളൂരു നഗരത്തിൽ നടക്കാൻ പോകുന്ന ആദ്യത്തെ ബഹുഭാഷാ അവാർഡ്സ് ചടങ്ങെന്ന പ്രത്യേകത ഇതിനെ കൂടുതൽ ആകർഷകമാക്കുന്നു. ഹൈദരാബാദിലെ ഹൈദരാബാദ് ഇന്റർനാഷണൽ കൺവെൻഷൻ സെന്ററിൽ (HICC) വെച്ചായിരുന്നു ഒമ്പതാമത്തെ SIIMA അവാർഡ്‌സ് നടത്തപ്പെട്ടത്.

2012-ൽ വിഷ്ണു വർധൻ ഇന്ദൂരിയും ബൃന്ദ പ്രസാദ് അഡുസിമിലിയും ചേർന്നാണ് SIIMA അവാർഡ്‌സ് ലോഞ്ച് ചെയ്തത്. SIIMAയുടെ ആശയം തന്നെ ദക്ഷിണേന്ത്യൻ ചലച്ചിത്ര വ്യവസായ മേഖലകളായ തമിഴ്, തെലുങ്ക്, മലയാളം, കന്നഡ എന്നിവിടങ്ങളിൽ നിന്നുള്ള ചലച്ചിത്ര പ്രവർത്തകരെ അഭിനന്ദിക്കുകയും അന്താരാഷ്ട്ര വിപണിയിൽ ദക്ഷിണേന്ത്യൻ സിനിമകളെ പ്രോത്സാഹിപ്പിക്കുന്നതിന് ഒരു വേദിയൊരുക്കുകയും ചെയ്യുക എന്നതാണ്.

RELATED ARTICLES
- Advertisment -

Most Popular

Recent Comments