Wednesday, August 10, 2022

കൊട്ട മധുവായി പൃഥ്വിരാജ്; കാപ്പയുടെ പുതിയ പോസ്റ്റർ പുറത്ത്

- Advertisement -

തീയറ്ററുകളിൽ വമ്പൻ വിജയം നേടിയ കടുവക്ക് ശേഷം പൃഥ്വിരാജും ഷാജി കൈലാസും ഒരുമിക്കുന്ന ബിഗ് ബജറ്റ് ചിത്രം കാപ്പയുടെ ചിത്രീകരണം തിരുവനന്തപുരത്ത് പുരോഗമിച്ചുകൊണ്ടിരിക്കുകയാണ്. ചിത്രത്തിൻറെ പുതിയ പോസ്റ്റർ ഇന്ന് അണിയറ പ്രവർത്തകർ പുറത്ത് വിട്ടു. കൊട്ടമധുവായി മാസ്സ് ലുക്കിലാണ് പൃഥ്വിരാജ് പോസ്റ്ററിൽ പ്രത്യക്ഷപ്പെട്ടിരിക്കുന്നത്.

ജിനു വി ഏബ്രഹാം, ഡോൾവിൻ കുര്യാക്കോസ് ദിലീഷ് നായർ എന്നിവരുടെ പങ്കാളിത്തത്തിൽ ആരംഭിച്ച തിയ്യേറ്റർ ഓഫ് ഡ്രീംസ് , ഫെഫ്ക റൈറ്റേഴ്സ് യൂണിയന്റെ സഹകരണത്തിൽ നിർമ്മിക്കുന്ന ചിത്രമാണ് കാപ്പ. ഇന്ദുഗോപന്റെ പ്രശസ്ത നോവലായ ശങ്കുമുഖിയെ അടിസ്ഥാനപ്പെടുത്തിയാണ് ചിത്രത്തിൻറെ തിരക്കഥ ഒരുങ്ങുന്നത്. ഇന്ദുഗോപൻ തന്നെയാണ് ചിത്രത്തിൻറെ രചനയും നിർവഹിക്കുന്നത്. തിരുവനന്തപുരത്തെ ലോക്കൽ ഗുണ്ടകളുടെ പശ്ചാത്തലത്തിലാണ് ചിത്രത്തിൻറെ കഥ പറയുന്നത്.

പൃഥ്വിരാജിനെ കൂടാതെ ആസിഫ് അലി, അപർണ ബാലമുരളി, അന്ന ബെൻ എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ദിലീഷ് പോത്തൻ, ജഗദീഷ്, നന്ദു എന്നിവരും ചിത്രത്തിന്റെ താരനിരയിൽ ഉണ്ട്. ജോമോൻ ടി ജോൺ ചായഗ്രഹണം നിർവഹിക്കുന്നു. ആർട്ട് ഡയറക്ടർ ദിലീപ് നാഥ്, എഡിറ്റർ ഷമീർ മുഹമ്മദ്,  പ്രൊഡക്ഷൻ കൺട്രോളർ, സഞ്ചു ജെ അസോസിയേറ്റ് ഡയറക്ടർ- മനു സുധാകരൻ, കലാസംവിധാനം- ദിലീപ് നാഥ്, വസ്ത്രാലങ്കാരം- സമീറ സനീഷ്, മേക്കപ്പ്- സജി കാട്ടാക്കട , സ്റ്റിൽസ് -ഹരി തിരുമല, അസിസ്റ്റന്റ് ഡയറക്ടേഴ്സ്-ഗിരീഷ് ആറ്റിങ്ങൽ, അഖിലൻ, അയൂബ് ഖാൻ, അനൂപ്, രമ്യ ചീഫ് അസോസിയേറ്റ് ക്യാമറമാൻ- അനീഷ്, രവീന്ദ്രൻ അസോസിയേറ്റ് ക്യാമറമാൻ- സുദേവ്, അസിസ്റ്റന്റ് ക്യാമറമാൻ- നിതിൻ നായർ, സൂരജ് എസ് നായർ, ശ്രീബാൽ എൻ, പ്രൊഡക്ഷൻ എക്സിക്യൂട്ടീവ്സ് -മനോജ് എൻ പ്രതാപൻ കല്ലിയൂർ, ലൊക്കേഷൻ മാനേജർ,-സന്തോഷ് അരുവിക്കര, സ്പോട്ട് എഡിറ്റർ-അജാസ്, അസോസിയേറ്റ് ആർട്ട് ഡയറക്ടർ – രാജേഷ് മേനോൻ, ഫോക്കസ് പുള്ളർ-ശ്രീനിവാസ്. പി.ആർ.ഒ ശബരി.

- Advertisement -
Latest news
- Advertisement -
Related news
- Advertisement -spot_img