തെന്നിന്ത്യയൊന്നാകെ കെ.ജി.എഫിന്റെ രണ്ടാം ഭാഗമായ കെ.ജി.എഫ് ചാപ്റ്റര് 2. കാണാനുള്ള കാത്തിരിപ്പിലാണ് ആരാധകർ .മാസ്സ് മസാല ചിത്രമായ കെജിഎഫ് ആദ്യഭാഗം അധികം പ്രതീക്ഷ ഒന്നുമില്ലാതെ ആയിരുന്നു തിയേറ്ററുകളിലെത്തിയത്. പക്ഷേ പല ഭാഷകളിൽ ചിത്രം ഹിറ്റായതോടെ യഷ് എന്ന താരത്തെ സിനിമ ലോകം സ്വീകരിച്ചു. വളരെ ചുരുങ്ങിയ സമയം കൊണ്ട് തന്നെ നടൻറെ വിപണന മൂല്യവും ആരാധക വൃന്ദവും വർധിച്ചു. രണ്ടാംഭാഗം ഇറങ്ങുമ്പോൾ ആരാധകർ അത്രയും തന്നെ പ്രതീക്ഷയിലാണ് ഇപ്പോൾ .
ഏപ്രിൽ 14 ന് ചിത്രം റിലീസ് ചെയ്യുന്നതിന്റെ ഭാഗമായി നിരവധി യാത്രകൾ നടൻ നടത്തിക്കൊണ്ടിരിക്കുകയാണ് ,പ്രമോഷന്റെ ഭാഗമായി താരം കൊച്ചിയിൽ എത്തുകയും വീഡിയോകൾ നിരവധി സോഷ്യൽ മീഡിയ വഴി വൈറൽ ആകുകയും ചെയ്തു .കേരളക്കരയിലെ ആരാധകരെ കണ്ടതിലും വലിയ സന്തോഷമായിരുന്നു താരം പ്രകടിപ്പിച്ചത്. ഇഷ്ട കഥാപാത്രത്തെ നേരിൽകണ്ട് ആളുകൾ അക്ഷരാർത്ഥത്തിൽ ലുലുവിൽ ഇളകി മറിയുകയായിരുന്നു.
നിരവധി ചോദ്യങ്ങളായിരുന്നു തങ്ങളുടെ ഇഷ്ട താരത്തോട് ആയി നിരവധിപേർ ചോദിച്ചത്. അതിൽ മലയാള സിനിമ കാണാറുണ്ടോ എന്ന ഒരു ആരാധകന്റെ ചോദ്യത്തിന് വളരെയധികം പ്രതീക്ഷിക്കാത്ത ഒരു മറുപടിയായിരുന്നു താരം നൽകിയത് .മലയാള സിനിമയുടെ നടന വിസ്മയം മോഹൻലാലിന്റ എക്കാലത്തെയും ഹിറ്റ് ചിത്രമായനരസിംഹത്തിലെ ‘പോ മോനേ ദിനേശാ’ എന്ന ഡയലോഗായിരുന്നു താരത്തിന്റെ മറുപടി..
മോഹൻലാൽ ആരാധകരെ മാത്രമല്ല മമ്മൂട്ടി ആരാധകരെയും സങ്കടപ്പെടുത്തിയില്ല. മമ്മൂട്ടി ചിത്രമായ ഭീഷ്മപര്വത്തിലെ ‘ചാമ്പിക്കോ’ എന്ന ഡയലോഗ് കൂടെ ആയതോടെ കാണികള് കയ്യടിഇരട്ടി ആക്കുകയും ചെയ്തു . കെ .ജി.എഫ് ചാപ്റ്റര് രണ്ടിന്റെ വിതരണം കേരളത്തിൽ ഏറ്റെടുത്തിരിക്കുന്നത് പൃഥ്വിരാജ് പ്രൊഡക്ഷന്സും മാജിക് ഫ്രെയിംസും ചേര്ന്നാണ്.
Recent Comments