ഇത് ധനുഷിന്റെ പെർഫെക്റ്റ് ഹോളിവുഡ് പഞ്ച്!! ‘ഗ്രേ മാൻ’ ട്രെയിലർ

റൂസ്സോ ബ്രദേഴ്‌സിന്റെ ഏറ്റവും പുതിയ പ്രോജക്റ്റ് ദി ഗ്രേ മാനിന്റെ ട്രെയിലർ അണിയറപ്രവർത്തകർ പുറത്തുവിട്ടു , ക്രിസ് ഇവാൻസും റയാൻ ഗോസ്‌ലിംഗും തമ്മിൽ ഏറ്റുമുട്ടുന്ന ഒരു ത്രില്ലിംഗ് ആക്ഷൻ ചിത്രമായാണ് ആണ് ഗ്രേ മാൻ പ്രേക്ഷകർക്ക് മുന്നിലെത്തുന്നത്. അവഞ്ചേഴ്‌സ്: എൻഡ്‌ഗെയിം, അവഞ്ചേഴ്‌സ്: ഇൻഫിനിറ്റി വാർ, ക്യാപ്റ്റൻ അമേരിക്ക: സിവിൽ വാർ തുടങ്ങിയ ഹിറ്റ് സിനിമകൾ പോലെ തന്നെ പ്രേക്ഷകരെ പിടിച്ചിരുത്തുന്ന അനുഭവമായിരിക്കും സമ്മാനിക്കുക എന്നാണ് അണിയറ പ്രവർത്തകർ ഉറപ്പു തരുന്നത് . ആക്ഷൻ സീക്വൻസുകൾ കൊണ്ട് ട്രെയിലർ ഗംഭീര അനുഭവമാണ് ഇപ്പോൾ തന്നെ പ്രേക്ഷകർക്ക് സമ്മാനിച്ചത്.

ധനുഷ്, അന ഡി അർമാസ്, റെജി-ജീൻ പേജ് എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ട്രെയിലറിലെ ധനുഷിന്റെ രൂപം ആരാധകരെ ആകർഷിക്കുമെന്ന് ഉറപ്പു നൽകുന്നതാണ്, അദ്ദേഹത്തിൻറെ ആക്ഷൻ പ്രേക്ഷകർക്ക് വലിയൊരു അനുഭവം ആയിരിക്കും സമ്മാനിക്കുക എന്നാണ് അണിയറ പ്രവർത്തകരും പറയുന്നത് .

വളരെ ചുരുങ്ങിയ സമയം കൊണ്ട് തന്നെ ട്രെയിലർ മില്യൺ കാഴ്ചക്കാരെ ആണ് സമ്മാനിച്ചത്.ധനുഷ് സോഷ്യൽ മീഡിയയിൽ ചിത്രത്തിലെ തന്റെ ഫസ്റ്റ് ലുക്ക് പങ്കുവെച്ച് കുറിച്ച് വരികളും ശ്രദ്ധേയമായിരുന്നു, നെറ്റ്ഫ്ലിക്‌സിന്റെ ‘ദി ഗ്രേ മാൻ’ ടീമിൽ പങ്കുചേർന്നതിൽ തനിക്ക് അതിയായ സന്തോഷമുണ്ട്, ഈ വിലപ്പെട്ട അനുഭവത്തിന്റെ ഭാഗമാകാൻ താൻ ഇത്രയും കാലം കാത്തിരിക്കുകയായിരുന്നു , എന്നോട് ഇത്രയും കാലം കാണിച്ച സ്നേഹത്തിനും പിന്തുണയ്ക്കും ലോകത്തുള്ള എല്ലാ ആരാധകർക്കും ഞാൻ നന്ദി അറിയിക്കുകയാണ്. എന്നായിരുന്നു ധനുഷ് എഴുതിയത്.