പൃഥ്വിയില്ലെങ്കിലെന്താ , അഭാവം നികത്തി വേദിയിൽ തകർപ്പൻ സ്പീച്ചുമായി സുപ്രിയ !!!

ആരാധകർ ഏറെ കാത്തിരിക്കുന്ന  ബ്രഹ്മാണ്ഡ ചിത്രം ‘കെജിഎഫ് 2’വിന്റെ പ്രമോഷനുമായി ബന്ധപ്പെട്ട് യഷും നടി ശ്രീനിധി ഷെട്ടിയും കഴിഞ്ഞ ദിവസമായിരുന്നു കൊച്ചിയിലെത്തിയത്. ലുലുമാളിൽ ആരാധകരെ ഇളക്കി മറിച്ച് കൊണ്ട് നടന്റെ വാക്കുകളും ചടങ്ങുകളും ശ്രദ്ധേയമായി മാറി,

ചിത്രത്തിന്റെ മലയാളം പതിപ്പ് കേരളത്തിൽവിതരണത്തിനെത്തിക്കുന്നത് മലയാള സിനിമയുടെ പ്രിയപ്പെട്ട നടനും സംവിധായകനും നിർമ്മാതാവുമായ പൃഥ്വിരാജാണ്. സോഷ്യൽ മീഡിയയിലൂടെ ചിത്രത്തെക്കുറിച്ചും ചിത്രം കാണാൻ കാത്തിരിക്കുകയാണെന്നും താരം എഴുതിയിരുന്നു. പക്ഷേ കഴിഞ്ഞ ദിവസം ലുലുവിൽ നടന്ന പ്രമോഷൻ പരിപാടിയിൽ പൃഥ്വിരാജിന് പങ്കെടുക്കാൻ സാധിച്ചില്ല .ആടുജീവിതം ചിത്രത്തിലെ ചിത്രീകരണത്തിന് വേണ്ടി അദ്ദേഹം വിദേശത്ത് ആയതിനാൽ ഭാര്യയും നിർമ്മാതാവുമായ സുപ്രിയ ആയിരുന്നു  വേദിയിൽ എത്തിയത്.

എല്ലായിപ്പോഴും ചടങ്ങ് നടക്കുമ്പോൾ കാണികളുടെ ഭാഗത്താണ് താൻ ഉണ്ടാവുക, പക്ഷേ ഇന്ന് ഇവിടെ ഒരു വ്യത്യസ്തതയുണ്ട്. ഇന്ന് ഞാൻ ഈ വേദിയിൽ നിൽക്കുകയാണ് എന്നതാണ് സത്യം. തന്നെ ഏല്പിച്ചിരിക്കുന്ന ജോലി ചെയ്യുന്നു.  കെജിഎഫ് 2 പൃഥ്വിരാജ് പ്രൊഡക്‌ഷൻസിലൂടെ കേരളത്തിലെത്തിക്കാൻ സാധിക്കുന്നത് തങ്ങളെ സംബന്ധിച്ച് വലിയ അഭിമാനം ആയിട്ടും അംഗീകാരം ആയും കാണുകയാണ് എന്നും ചിത്രത്തിന്റെ വലിയൊരു ആരാധികയാണ് ഞാനും  എന്നും  സുപ്രിയ വേദിയിലൂടെ പറഞ്ഞു. സിനിമാപ്രേമികൾ കാത്തിരിക്കുന്നത് പോലെ ചിത്രം ഏപ്രിൽ 14ന് തിയറ്ററുകളിലെത്തും, താനും കാത്തിരിക്കുകയാണ് അതുപോലെതന്നെ ചിത്രത്തിൻറെ അണിയറപ്രവർത്തകർക്കും ആശംസകൾ നൽകുന്നുവെന്നും സുപ്രിയ കൂട്ടിച്ചേർത്തിരുന്നു.